اطعمة ومشروبات لا يجب تناولها على معدة فارغة
هذه قائمة ببعض الاطعمة التي لا يجب تناولها على الريق:
الموز🍌🍌 ::
برغم ان الموز بيحتوي على عناصر غذائية قوية جدا زي البوتاسيوم
والماغنيسيوم والالياف , لكن كمان فيه حمضيات وسكر , لو اكلنا اكل حمضي على معدة
فارغة بيعمل مشاكل في الامعاء , كمان الاكل اللي فيه سكر غير صحي بالمرة على
الفطار , لانها بتخليك تحس بالخمول وبتستنزف طاقتك بع شوية صغيرين لكدا الموز غير
محبب في وجبة الافطار , لكن لو مصمم تاكل كوز , ممكن تحط قطع موز مع شوفان وحبة
حليب صغيرين .
الزبادي المحلى 🍮🍮::
غير مستحب على الفطار لانه غني بالسكريات الصناعية الضارة , لو حابب
تاكل زبادي يبقى اتناول الزبادي اليوناني او العادي وممكن تحليه بالعسل . او من
غير متحليه خالص هيبقى صحي اكتر ويساعد على فقدان الوزن . ويفضل كمان تناول كوب اخر
في المساء لانه مفيد جدا لاضطرابات المعدة والهضم .
الخضار الخضراء و النيئ🥒🥦🥬::
كلنا
عارفين ان الخضار خاصة الطازة مفيد جدا للصحة , لكن اننا ناكلها على معدة فارغة ده
في حد ذاته غير صحي , ليه ؟ لانها بتصيب المعدة بالانتفاخات والغازات وتهيج البطن
وهتتحس بالام فيه , لان اغلب الانواع بتحتوي على الياف غير قابلة للذوبان , ودي
بتعمل اثار جانبية للناس اللي عندهم مشكلة في الهضم , لكدا مينفعش نتناولها على
الريق
الطماطم 🍅🍅::
الطماطم
غنية بالفيتامينات , وكمان منخفضة في السعرات الحرارية , بس للاسف مش مفضلة
لتناولها على الريق , لانها بتحتوي على احماض فبتزود حموضة المعدة , خاصة لو
تناولناها على الريق , وممكن مع الوقت تؤدي الى قرحة المعدة .
الفاكهة الحمضية 🍋🍊🍑::
الفاكهة
الحمضية زي البرتقال والبرقوق والليمون والجريب فروت والمشمش .بتتفاعل بشكل سلبي مع
العصارة الهضمية وتسبب تهيج او قرحة في المعدة, خاصة الناس اللي معدتهم حساسة ,
كمان الناس اللي عندهم مرض السكري , لان الفاكهة دي بتحتوي على كربوهيدرات وبترفع
مستوى السكر في الصباح .
المشروبات الباردة🧃🍹🧊 ::
المشروبات
الباردة على الريق بتسبب بعض التهيج للمعدة والامعاء معا , فمن المستحب تتناول
مشروبات دافية او مياه دافية قبل وجبة الافطار , لان ده بيحسن الهضم والدورة
الدموية , ويساعد كمان في تخفيف الوزن .
الكمثرى🍐🍐::
لانها
بتحتوي على الياف ممكن تضر الغشية المخاطية الحساسة بالمعدة عند تناولها على الريق
. مع ان الكمثرى من الفاكهة المفيدة جدا للصحة والمغذية, لانها بتحتوي على
الفيتامينات والبوتاسيوم , وكمان منخفضة في السعرات الحرارية . يعني ممكن نتناولها
بين الوجبات وليس على معدة فارغة .
القهوة☕☕::
كتير جدا
مننا بيشرب القهوة بسرعة لو مستعجل على الشغل ومش بيهتم بالفطار وده غلط طبعا ,
ودي عادة سيئة جدا المفروض نوقفها فورا , لان القهوة على الريق بتهيج الامعاء
وتسبب انتفاخ , لو انت مصمم تشرب قهوة فياريت تكون بعد وجبة الفطار .
الاطعمة الحارة او المشتشتة 🌶🌶::
زي البهارات
والفلفل الحار لان تناولهم على معدة فارغة
بيتعب بطانة المعدة ,وممكن يؤدي الى تفاعلات حمضية وتشنجات والاصابة بعسر الهضم .